2026 年香港花卉展覽 3 月 20 至 29 日在維多利亞公園舉行，今年的主題花是紫羅蘭，並以「花語尋『香』──細味城市特色」為主題。今年的主題花立體花牆有 5 朵由 30 多朵立體小花組成的巨型紫羅蘭，配以逾 6, 000 株蘭花及毋忘我等花材鋪陳。
除咗賞花打卡，仲有學生繪畫比賽、攝影比賽、植物展品比賽、音樂及文娛表演、花藝示範、綠化活動。仲可以Join埋非遺「花藝鈕扣工作坊」同Busking 等。
得獎園區打卡位一覽：
📍 園區入口：盛放既花卉配上藤編門廊同天幕，帶大家穿梭回到香港開埠初期小漁村嘅純樸面貌，園區正面仲展現咗獅子山天際線下嘅彩虹邨、南山邨同順安邨等跨越年代嘅屋邨場景，承載住滿滿嘅集體回憶，好別有一番情懷！
📍 希望之樹：呢棵特別設計嘅樹豎立喺園區中央，象徵公屋發展欣欣向榮。樹下嘅步道設有噴霧裝置、智能花香同感應式鳥鳴等，團隊將智慧屋邨嘅巧思融入自然，營造出寧靜舒適嘅漫步空間！
📍 互動展示區：展示區設有旋轉展示板，可以比對屋邨翻新前後嘅樣貌，親身感受「幸福設計」嘅成果。
📍「幸福家族」座椅：呢度唔止係休憩區咁簡單，仲等你嚟打卡兼「擁抱幸福」！
📍 綠化波浪牆：園區朝外嘅波浪牆設計好別緻，窗洞設計透現長幼共融嘅畫面、社區和諧嘅感覺。
咁多個打卡位，快啲嚟親身見證啦！
香港花卉展覽2026
日期：2026年3月20至29日
時間：上午9時至晚上9時
地址：香港維多利亞公園
門票詳情：
全費14元
優惠收費7元
4至14歲兒童、全日制學生
60歲或以上長者
殘疾人士及其照顧者（每名殘疾人士只可與一名同行照顧者同享優惠）
星期一至星期五期間之入場優惠
60歲或以上長者免費參觀
殘疾人士及其照顧者免費參觀（每名殘疾人士只可與一名同行照顧者同享優惠）
30人或以上的團體可享優惠收費（須一同進場）
往年維園花展閉幕後，主辦單位會免費派發狀態良好並可再種植的花卉給市民。2026畫展康文署會在花展完結後舉行環保回收日，屆時將安排義工在會場協助分類及回收可重用的資源，並將可重新種植的花卉和植物分派給學校、環保團體、非政府機構和市民。大家記得留意官網公佈最新消息。
資料及圖片來源: 康樂及文化事務署 / 編輯: Jetso Station 免費試用情報站