【各位老友鬼鬼注意！快啲預備好嚟「六五環境日暨全民回收日」嘉年華玩啦！】
美麗香港環境節嘅「全民回收日」準備登場啦！大嘥鬼今次親自出馬，邀請大家齊齊參與我哋嘅重頭戲一一「六五環境日暨全民回收日」嘉年華！
現場會有各式各樣環保主題攤位遊戲 ，包括 減廢回收、減碳知識、海洋保育…玩到唔停手！仲有精彩舞台表演，有 SENZA A Cappella 、有歌有舞有表演，本鬼仲會親身坐鎮，分分鐘可以帶本鬼嘅分身（禮物公仔）返屋企呀！記得tag埋班老友鬼鬼一齊嚟！
日期：2026年6月7日 （星期日）
時間：下午1時 – 6時
地點：九龍灣常悅道8號 零碳天地
完成任務，6月7號嚟現場，即場帶埋本鬼分身返屋企！
1. 喺 2026年6月 1 日至 7 日 期間，去全港任何一間「#綠在區區」（包括「回收環保站」、「回收便利點」、「回收流動點」同埋智能回收箱），或者喺你屋企樓下嘅回收箱做好分類回收，記住為自己打個卡，影低回收過程
2. 同時喺 6 月 1 日至 7 日 期間，將你影低咗嘅打卡靚相／影片上載至自己嘅社交平台同親友分享，並tag @大嘥鬼 及標誌 #全民回收。
3. 完成晒以上任務嘅朋友，6月7日嚟「六五環境日暨全民回收日」嘉年華（下午1時–6時），只要出示放有你嘅靚相／片嘅貼文或story記錄，並提供你嘅有效「綠綠賞」帳戶號碼。就有機會喺即場獲得「大嘥鬼掛飾連再生環保袋」一份（款式隨機，送完即止）！
每個帳戶只限換領一次。禮物數量有限，先到先得，送完即止㗎！
仲有仲有！本鬼仲會聯同全港12個「回收環保站」同埋「全民回收」合作夥伴走入社區搞活動，一齊推動源頭分類同乾淨回收。快啲睇下本鬼邊日會去你嗰區出巡（本鬼schedule不定期更新）
「全民回收」社區參與活動時間表及地點詳情：https://www.wastereduction.gov.hk/zh-hk/RecyclingDay2026
#大嘥鬼 #環境保護署40周年 #美麗香港環境節 #六五環境日 #全民回收日 #六五環境日暨全民回收日嘉年華 #全民回收社區參與活動 #乾淨回收 #全民回收 #源頭分類 #打卡有禮
其他細則：
– 禮物數量有限，先到先得，送完即止。
– 回收過程及上載日期需於2026年6月1日至7日期間進行，時間將以社交平台系統顯示為準，逾期的參加者一律不計算在內。
– 參加者需在「六五環境日暨全民回收日」嘉年華舉行期間，即2026年6月7日下午1時–6時，自行到場領取獎品，本專頁不會另作通知。
– 「綠綠賞」帳戶號碼需透過手機應用程式展示，不接受螢幕截圖。
– 參加者需要完成所有步驟，並一直公開追蹤「大嘥鬼」專頁。
– 每個綠綠賞用戶只可以參加一次，重覆參加者將不獲計算。
– 禮物圖片只供參考，一切以實物為準，並將隨機發送，不設挑選和退換。
– 環境及生態局、環境保護署及參與籌辦的人士不得參與。
– 所有獎品不可兌換現金或其他禮品。
– 得獎者所提交的相片將會於社交媒體及不同公眾媒體（包括但不限於平面及電子媒體）中發布及用作宣傳推廣用途，如參加者提交相片即表示同意本處將其相片於任何媒體或媒介複製、刊登或轉載等等，並有權使用該相片作日後的宣傳用途。
– 參加是次活動即代表已了解並同意遵守以上的條款及細則，如有任何爭議，環境保護署保留最終決定權。
資料及圖片來源: 大嘥鬼 / 編輯: Jetso Station 免費試用情報站