淳茶舍® × 利工民推「冷萃工民」復古潮物！全港快閃流動車免費派冷萃茶飲！茶飲金蓋儲分即換限定 Tee！
今個盛夏，淳茶舍® 首度聯乘香港傳統老字號 利工民，破天荒打造「冷萃工民」服飾系列！今次仲特別請嚟林峯領軍，率領胡子彤、林家熙（Locker）同張蔓莎親身型格演繹，將港式工藝完美融入復古街頭潮流，玩出清新回甘新態度！
今次聯乘推出咗 4 款別注版 Tee（包括「冷萃工民」、「茶逢知己」、「得閒飲茶」同限量特別版「風流快活」），字體由利工民團隊親自操刀，配上淳茶舍®冷萃茶飲色調，仲用咗40支紗100%全棉挺身布料，質感極厚實！同場加映仲有別注帽、純棉襪同原色購物袋，成個系列充滿港式降燥美學，帶出街真係吸睛度爆燈！
想入手呢系列極罕單品？方法非常簡單，只要飲茶儲金蓋分就可以喺 COKE+ 平台免費換領！另外官方仲加碼派出「冷萃降燥計」流動車全港快閃免費請你飲茶，快啲睇以下儲分同流動車全攻略！
第一彈：飲茶儲金蓋積分免費換潮物
由即日起至 2026年8月6日 推廣期內，買指定淳茶舍®金蓋產品，掃描並登記蓋入面嘅 QR Code 就可以賺積分換領限定單品：
淳茶舍®核心系列：每個金蓋獲 10 分
淳茶舍®冷萃系列：每個金蓋享 雙倍積分（冷萃台灣蜜香紅茶恕不適用）
換領方法：儲滿指定積分，即可上 COKE+ 平台換領淳茶舍® x 利工民聯乘單品，數量有限，換完即止
第二彈：「冷萃降燥計」流動車快閃全港！免費派淳茶舍冷萃茶！
想親眼睇吓呢系列咁型嘅聯乘實物？淳茶舍®將會喺 6 月 29 日起派出消暑流動車，喺全港多個熱點快閃現身，現場除咗展示全系列服飾，仲會帶嚟消暑互動體驗，以及免費派發淳茶舍®冷萃系列飲品，幫大家喺盛夏即時降燥，感受「一啖冷萃、一身通爽」
快閃流動車出沒時間表：
6月29日 (一) 鰂魚涌海光街
6月30日 (二) 沙田源順圍及石門
7月1日 (三) 旺角西洋菜南街
7月2日 (四) 觀塘駿業街
7月3日 (五) 銅鑼灣記利佐治街
7月4日 (六) 中環碼頭
7月5日 (日) 尖沙咀麼地道
資料及圖片來源：淳茶舍 / 編輯：Jetso Station 免費試用情報站