1.1K
【美心西餅 經典傳承｜食、玩、回憶一次過返晒嚟！】
美心集團70歲生日啦！ 咁值得慶祝嘅大日子，梗係要預埋大家一齊，由經典滋味、懷舊回憶到趣味挑戰，美心西餅將一代又一代香港人熟悉嘅美心回憶逐樣帶返嚟！
準備好未？一連串精彩節目率先公開
11月4日｜「時光倒流」包裝及產品登場
一秒帶你返去「那些年」！推出復刻版蛋糕，更特別復刻經典蛋糕底卡及蛋糕盒，將昔日熟悉嘅包裝重新帶到大家眼前！
11月5日｜「永久通用 承諾兌現」 懷舊餅咭大召集
屋企櫃桶仲有冇珍藏多年嘅美心西餅「永久通用」餅卡？係時候搵返出嚟喇👀！7慶典期間，可以帶同餅卡親臨全港美心西餅門市使用，一齊用昔日心意，換返今日熟悉嘅滋味～
11月7日｜「CHOK繩」挑戰賽
以前買西餅最佩服店員姐姐徒手「CHOK」斷條繩？今次輪到你出手！「CHOK繩」挑戰等大家親身試玩，睇吓你有冇店員級嘅快、狠、準！
11月10日｜「那些年我的生日會」照片徵集
細個生日會吹蠟燭、戴住生日帽影大合照、同屋企人朋友圍住蛋糕許願……你又有冇一張相，一睇就即刻返晒回憶？今次邀請大家翻開舊相簿，分享昔日生日會、生日蛋糕相片及難忘童年故事，一齊重溫屬於我哋嘅回憶！
記得 Follow 美心西餅 Facebook／Instagram 專頁，Mark低日子，更多驚喜陸續有嚟，一齊慶祝美心集團70周年啦！
#美心西餅 #MaximsCakes #70周年 #經典傳承 #活動預覽
資料及圖片來源: 美心西餅 / 編輯: Jetso Station 免費試用情報站